Meeste ontmoet skelmpies by V&A Waterfront

2012-11-02 15:58

Kaapstad – 'n Groot aantal mense wat hul lewensmaats in Kaapstad verkul, gebruik die V&A Waterfront om hul "sake-aangeleenthede" te doen, het 'n opname bekend gemaak.

In 'n onlangse opname wat op die webwerf AshleyMadison.com gedoen is, het byna 70% gesê hulle neem hul skelmpies na hotelle. Altesaam 5 020 mense het aan die opname deelgeneem. Die webwerf is gemik op mense wat in buite-egtelike verhoudings belangstel.

'n Derde van dié mense het na die One & Only-hotel gegaan en die Tafelbaai- en die  Cape Grace-hotel was nie ver agter nie.

In die vierde en vyfde posisie is Kampsbaai en Nuweland.

Noel Biderman, hoof- uitvoerende beampte van die webwerf, het gesê uit 'n logistieke oogpunt maak dit sin om hotelle in die stad te kies.

"Vir die beroepsman of -vrou, wat voldag moet werk en by die huis moet opdaag met "skuld blomme" maak dit glad nie sin om verder as die stad te gaan nie."

Hotelle is 'n gewilde opsie, omdat hulle diskreet is, het Biderman gesê.

Volgens die opname gaan byna die helfte van die verkullers tussen 12:00 en 17:00 na die hotelle.

'n Groot aanval van die kamers word slegs vir tot twee uur lank gebruik.
      
– Volg Nuus24 op Twitter

- SAPA