Meer universiteite vir Suid-Afrika?
2009-09-19 07:47
Kaapstad – Parlement is “besig om te kyk na" die moontlikheid van meer universiteite in die Noord-kaap en Mpumalanga, sê die voorsitter van die portefeulje-kommitee oor hoër opvoeding en opleiding vandag.
Marius Fransman sê die komitee sal al die provinsiale departemente en ander belanghebbendes betrek om te sien watter kundigheid nodig sou wees en wat die beste manier is om ‘n universiteit in elke provinsie te vestig.
"Suid Afrika het 23 universiteite maar met die nuwe bestel en nuwe provinsiale grense, het die Noord-kaap en Mpumalanga steeds nie hul eie universiteite nie," het Fransman gesê.
"Met die nuwe department van hoër opvoeding en opleiding is dit ‘n prioriteit vir die komitee as deel van sy oorsigtelike rol om hierdie aangeleentheid weer te ondersoek."
Fasiliteite
Fransman sê die komitee moet eers vasstel hoeveel studente die fasiliteite in ander provinsies moet gebruik en hoeveel potensiële kandidate in hul eie provinsies sou studeer indien dit daargestel word.
"Ons wil ‘n idée kry van watter kursusse, en fakulteite in die landelike gebiede nodig sou wees, en watter werk voorheen op die gebied gedoen is."
Fransman sê die Minister van Hoër opvoeding en opleiding Blade Nzimande en sy nuwe department is gevra om na die aangeleentheid te kyk.
- SAPA