Meer spanne nodig om Limpopo-brande te bestry

2012-06-05 15:02

Polokwane – Meer brandbestrydingspanne sal in die Waterberg-streek van Limpopo uitgestuur word om te help met die blus van veldbrande in die streek, het Working on Fire (Wof) Dinsdag gesê.

Samuel Maepa, algemene bestuurder van Wof, sê die provinsie se 16 spanne was nie genoeg om die brande te beveg nie en vier bykomende spanne is ontplooi. Brand-kykers en helikopters sal ook in die streek uitgestuur word.

Meapa sê Wof het gevind dat die Waterberg kwesbaar is omdat die wet op nasionale omgewingsbestuur nie nagekom word nie.

Die wet vereis dat grondeienaars voorbrand maak op hul eiendomme om erge skade te verhoed wanneer brande buite beheer raak.

“Wanneer ‘n brand uitbreek word dit moeilik om dit onder beheer te bring. Dit sal óf deur ‘n pad óf natuurlike grense gestop word en in die afwesigheid daarvan is dit nie maklik om dit onder beheer te bring nie,” het hy gesê.

Maepa sê veldbrande beskadig die land se ekonomie en het die wildboerdery-bedryf in 2011 byna R20 miljoen gekos.

Een van die plase het bykans R13 miljoen verloor toe diere doodgebrand het omdat hulle tydens ‘n veldbrand in ‘n omheinde kamp was.

Maepa sê die brande word veroorsaak deur mense wat warm wil bly in die oggend, sowel as deur mense wat hout versamel en die hout wil droogmaak voor die oestyd.

Hy doen 'n beroep op gemeenskapsleiers om beheer te neem en te verseker dat diegene wat nalatig met hul vure was, vervolg word.

– Volg Nuus24 op Twitter
 

- SAPA