'Meer kerke, nie tronke'
2011-02-27 20:35
Johannesburg - Die waarnemende nasionale kommissaris van Korrektiewe Dienste, Nontsikelelo Jolingana, sê daar moet pleks van tronke meer kerke en skole gebou word om misdaad te beveg.
“Pleks daarvan om meer tronke te bou, moet ons meer kerke, skole en ontspanningsfasiliteite vir ons jong mans en vroue bou,” het Jolingana Sondag in Pretoria gesê in ‘n toespraak aan sowat 9 000 beamptes én oortreders van tronke by die bekendstelling van ‘n tronkbediening.
“Ons moet aanhou om meer te belê in intervensie wat ons sosiale vesel, mense se sin vir doelgerigtheid, maatskaplike geregtigheid en bowenal hul verbintenis tot ons skepper sal versterk.”
Jolingana het gesê oplossings tot die hoë misdaadsyfers wat Suid-Afrika in die gesig staar, lê by gewone burgers “wat met die regering moet hande vat om morele herlewing en misdaadvoorkoming te bedryf”.
“Ons is almal geestelike wesens wat in God se beeld geskep is. Die feit dat ons ons menslikheid verloor en aaklige misdade pleeg toon hoe ons van ons skepper geskei is.”
At Boshoff, ‘n pastoor van korrektiewe dienste, het gesê dit is die kerk se plig om “ten alle koste” die “verdwaaldes te red”.
Die diens is na fasiliteite van korrektiewe dienste in Bloemfontein, Kaapstad en Durban uitgesaai.
- Volg Nuus24 op Twitter
- SAPA