Meer as 1000 in KZN besny
2010-07-06 15:26
Johannesburg – Meer as 1000 jong mans is in KwaZulu-Natal besny sedert die begin van Julie, het die provinsiale gesondheidsdepartement Dinsdag bekendgemaak.
Inisiasie-kampe word sedert die begin van die winter gehou as deel van die departement se veldtog om MIV/Vigs onder jongmense te bekamp.
Aaron Motsoaledi, minister van gesondheid, en Zweli Mkhize, premier van KwaZulu-Natal, het jong mans as deel van die veldtog in Newcastle en uMzimkhulu besny.
In die eerste twee dae is altesaam 850 jong mans in kampe by KwaNongoma, uMgungundlovu, Ladismith, uMzimkhulu, Amajuba en Gamalakhe besny.
Die regering in KwaZulu-Natal beoog om 47 055 pasgebore seuns en 186 703 jong mans tydens die 2010/11 finansiële jaar te besny.
- Volg Nuus24 op Twitter.
- SAPA