Media kamp buite Mandela se huis

2012-12-23 08:00

Johannesburg –  Lede van die media kamp buite die huis van oudpres. Nelson Mandela en wag vir inligting oor sy toestand, berig Eyewitness News.

Mandela word al langer as twee weke in 'n privaathospitaal in Pretoria behandel vir 'n herhalende longinfeksie en galstene.

Plaaslike en internasionale media staan al dae lank buite Mandela se huis in Houghton.

Pres. Jacob Zuma het Saterdag die ikoniese leier in die hospitaal besoek en boodskappe van ondersteuning aan hom oorgedra.

Die presidensie het gesê Mandela is gemaklik en ontvang die beste moontlike sorg.

"President Zuma het 'n beroep op alle Suid-Afrikaners gedoen om aan te hou bid vir Madiba in die tydperk," het Mac Maharaj, presidensiële woordvoerder, gesê.

Dit is die langste wat Mandela in die hospitaal behandel word sedert hy uit die tronk vrygelaat is.

– Lees meer hier

– Volg Nuus24 op Twitter

- SAPA