McCord-hospitaal in KZN sluit

2013-01-20 11:20

Johannesburg – Personeel by die McCord-hospitaal in KwaZulu-Natal het kennisgewings ontvang dat die hospitaal in Maart gaan sluit, berig die Sunday Times.

Dít volg ná die provinsiale departement van gesondheid se aankondig dat hy nie meer jaarliks die hospitaal van 'n subsidie sal voorsien nie.

"McCord het nie 'n aanduiding ontvang dat sy befondsing hernu gaan word nie. Weens dié verlies verloor McCord sy lisensie om as 'n staatsondersteunde hospitaal te bedryf en sal dit nie kan bekostig nie," het Kevin Smith, hoof-uitvoerende beampte van die hospitaal, gesê.

McCord is een van die grootste hospitale in KwaZulu-Natal en bestaan uit 140 beddens en 400 personeel. Die hospitaal bedryf ook die land se grootste MIV-sorg- en behandelingsprogram.

Volgens die koerant sal alle gesondheidsdienste by die hospitaal op 31 Maart opgeskort word.

Pasiënte sal na ander staatsondersteunde hospitale in Durban verwys word.

Sibongiseni Dhlomo, provinsiale minister van gesondheid, wou nie kommentaar lewer oor die kwessie nie.
     
– Volg Nuus24 op Twitter

- SAPA