McBride se oud-kollega in getuiebank
2010-03-25 00:48
Pretoria - Een van die staat se hoofgetuies in die dronkbestuurverhoor van die voormalige Ekurhuleni-metropolisiehoof, Robert McBride, het die getuiebank ingeneem.
Sr. supt. Stanley Sagathevan het in die Pretoriase streekhof geweier om vra oor verklarings wat hy gemaak het, te beantwoord.
Guido Penzhorn SC, McBride se regsverteenwoordiger het hom onder kruisverhoor geneem.
Die verdediging wil bewys dat die staatsgetuies, insluitend Sagathevan hul verklarings oor McBride se dronkenskap op die toneel van die motorongeluk in 2006 verander het.
"Ek kan dalk myself inkrimineer deur enigiets wat ek sê," het hy gesê.
Landdros Peet Johnson het herhaaldelik die verdediging uitgedaag.
"Hoe kan jy 'n getuie dwing om bewyse aan die hof voor te lê as hy nie wil nie, op watter gronde moet ek hom dwing om te antwoord?" het Johnson gevra.
Christo Roberts, die staatsaanklaer, het gesê as Sagathevan nie wil kommentaar lewer nie, "is dit die einde van die kwessie".
"Die misdaad is nie oor die misdade wat ander mense gepleeg het nie. Die grondwet is baie, baie duidelik dat 'n man nie verplig is om vrae te beantwoord wat homself in 'n verhoor kan inkrimineer nie."
"Ek wil nie hê enige ontoelaatbare bewyse moet deur die agterdeur insluip nie. As enigiets ingehandig word wat nie deur die getuie bevestig word nie, is dit hoorsê," het Johnson gesê.
McBride staan tereg op aanklagte van bedrog, regsverydeling en dronkbestuur.
– Sapa