McBride se kollegas ook ondersoek
2010-04-29 14:34
Pretoria – Daar is geen konneksie tussen die ondersoek na Robert McBride se dronkbestuursaak en die ondersoek na die drie getuies in sy saak nie, het die streekshof in Pretoria Donderdag gehoor.
Kol. Lesetja Kekana, ondersoekbeampte, het aan die hof gesê dat hy nie bewus was van die feit dat McBride se voormalige Ekurhuleni Metro-kollegas (Patrick Johnson, Itumeleng Koko en Stanley Sagathevan) ook ondersoek word nie.
Die drie mans is sleutelgetuies in die saak en was op die ongelukstoneel in Desember 2006.
Hulle het oorspronklik getuig dat McBride nie dronk was nie, maar het later wel erken dat McBride onder die invloed was.
McBride staar klagtes van bedrog, dwarsboming van die gereg en dronkbestuur in die gesig, nadat hy sy staatsmotor ná ‘n Kersfeespartytjie gebots het.
- Sapa
Volg Nuus24 op Twitter.