McBride-saak duur voort
2010-04-26 11:33
Johannesburg – Die dronkbestuursaak van die voormalige Ekurhuleni-metropolisiehoof, Robert McBride, sal na verwagting Maandag in Pretoria in die streekhof voortduur.
McBride se saak is in Maart uitgestel sodat die staat meer bewyse kon insamel. Hy staan tereg op aanklag van bedrog, regsverydeling en dronkbestuur nadat hy in Desember 2006 in ‘n ongeluk betrokke was op die R511 naby Hartbeespoortdam.
Een van die eerste getuies op die toneel, Francois de Ridder, het verlede maand getuig dat McBride se oë rooi was, hy na drank geruik het en onvas op sy voete was.
Die verdediging het egter gesê dat De Ridder bevooroordeeld teenoor McBride is.
- Sapa
Volg Nuus24 op Twitter.