'McBride het teen 'n hoë spoed gery'
2010-04-26 21:52
Pretoria – Robert McBride, voormalige Ekurhuleni-metropolisiehoof, het ‘n ander voertuig teen ‘n hoë spoed op ‘n soliede witlyn verbygesteek, voordat sy motor gebots het, het die Pretoriase streekhof Maandag gehoor.
William Engelbrecht, ‘n ooggetuie, het getuig dat McBride teen ‘n spoed van 110km/h en 120km/h in ‘n 80km/h sone gery het, toe hy hom op die R511 naby Hartbeespoortdam in Desember 2006 verbygesteek het.
McBride staar klagtes van bedrog, dwarsboming van die gereg en dronkbestuur in die gesig, nadat hy sy staatsmotor ná ‘n Kersfeespartytjie gebots het.
Engelbrecht het aan die hof vertel dat McBride was beseer en steeds binne die voertuig toe hy op die toneel gekom het.
Hy en ‘n vrou op die toneel het McBride uit sy voertuig gehelp deur ‘n passasiersvenster. Hulle het hom langs die kant van die pad neergesit en sy selfoon aan hom gegee.
Hy het getuig dat McBride na alkohol geruik het, kon nie op sy eie staan nie en het onduidelik gepraat.
McBride beweer dat hy ten tyde van die voorval oppad was na William Darvis, raadslid van die Demokratiese Allianse (DA), wat glo ‘n krisis gehad het.
Maar, Darvis het vroeër aan die hof vertel dat hy nie ‘n afspraak met McBride gehad het nie.
In ‘n ander verklaring Maandag, het ‘n beampte van die Ekurhuleni-metropolisie aan die hof vertel dat ‘n senior metropolisiebeampte, wat 'n vriend van McBride was, hom gevra het om ‘n mediese sertifikaat vir McBride te bekom, sonder dat hy geondersoek was.
Maxwell Mjamba, wat ‘n superintendent in die metropolisie was, het gesê hy was beveel om na enige mediese dokter wat hy ken, te gaan en ‘n sertifikaat te verkry wat aandui dat McBride nie dronk was ten tyde van die ongeluk nie.
Hy het gesê dat McBride die sertifikaat nodig gehad het vir ‘n vergadering met Duma Nkosi, voormalige burgemeester van Ekuhurleni.
Mjamba se bewyse vold nadat drie dokters, dr. Yoyombu Tangui Mbange, dr. Allan Soundy, and dr. Kamal Doorgaeershad getuig het.
Hulle het aan die hof vertel dat hulle gevra was om ‘n mediese sertifikaat uit te reik onder valse name, sowat 'n maand na die ongeluk, en sonder om McBride te ondersoek.
Hulle het geweier om die sertifikaat uit te reik, en het McBride na ‘n dokter verwys wat hom na die ongeluk ondersoek het.
Die saak is tot Woensdag uitgestel, wanneer die dokter wat McBride na die ongeluk ondersoek het na verwagting gaan getuig.
- Sapa