Mbeki se ma ondersteun JZ

2012-11-28 12:54

Johannesburg – Die ANC-staatmaker Epainette Mbeki sê pres. Jacob Zuma is die beter keuse om die regerende party te lei.

Sy het aan The Times gesê die president is egter dalk te “ontspanne” vir leierskap.

“Hy is ontspanne en by tye misluk hy daarin om sy eie besluite te neem,” het sy aan die koerant gesê.

“Hy wil almal gelukkig hou en op die ou end kan hy nie al sy beloftes nakom nie. Dis die swak punt van sy leierskap en sal sy eie ondergang as ‘n leier wees.”

Mbeki (94), ma van oudpres. Thabo Mbeki, het bygevoeg dat adj.pres. Kgalema Motlanthe nie ‘n gepaste alternatief is nie.

“Ek het nie vertroue in Kgalema nie... Hy is ‘n moeilike karakter om te verstaan. ‘n Mens weet nie waarvoor hy staan nie,” het sy gesê.

“Dit is moeilik om vas te stel waarheen hy die ANC en die land sal lei as hy president word.”

Volg Nuus24 op Twitter

- SAPA