Mazibuko sê sy is ‘n 'idool'
2012-02-06 20:54
Kaapstad – Die DA se parlementêre leier, Lindiwe Mazibuko, het Maandag aan die Kaapse Persklub gesê sy het ‘n rolmodel vir jong meisies van alle rasse geword.
“Die demografie van jong mense wat my in die straat voorkeer... die meeste van hulle is tienermeisies en jonger meisies van alle rasse wat my vra watter vakke hulle op hoërskool moet neem om ‘n LP te word. Hulle sê hulle dink dit is so opwindend dat ek ‘n Lid van Parlement is en ook dat my hare goed lyk,” het sy gesê.
Mazibuko het gesê sy het nie die “rassekaart” gespeel in haar veldtog om parlementêre leier te word nie, maar het gesê sy glo dit was belangrik dat sy diversiteit byvoeg tot die top-strukture van die DA.
“Jong mense, veral, stel belang in die toekoms van hierdie party... hulle identifiseer met, en bewonder, lede van die leierskap op ‘n manier wat hulle nie vyf of tien jaar gelede sou nie.”
Sy het gesê swart stemmers vind toenemend “ideologiese resonansie” met die DA en sy glo dat die party binne die volgende twee verkiesings ‘n dramatiese verandering in sy ondersteunersbasis sal sien.
“Om aan ons diversiteit toe te voeg, is ‘n uitdaging. Die manier waarop ons ras in die DA hanteer, is iets wat ons gedurig aanpak.
“Ek is vol vertroue dat dit ‘n uitdaging is waarmee ons teen ‘n hoë spoed te werk gaan.”
Mazibuko wou nie direk kommentaar lewer op die rasseherrie, te danke aan die LP Masizole Mnqasela wat gesê het haar verkiesing is bloot uiterlike vertoon wat nie swart stemme sal flous nie, om haar verkiesing nie.
Die partyleier, Helen Zille, het gesê sy opmerkings herinner aan die argitek van apartheid, Hendrik Verwoerd. Mnqasela sal nou dissiplinêr verhoor word nadat hy die party in oneer gebring het.
- Volg Nuus24 op Twitter
- SAPA