Marikana-ondersoek word verleng

2013-01-10 08:20

Johannesburg – Die regering se kommissie van ondersoek na die tientalle sterftes by Lonmin se Marikana-myn in die Noordwes, sal waarskynlik eers sy finale verslag in Junie uitreik, het twee amptenare gesê.

Die kommissie – wat deur die oudregter Ian Farlam gelei word – was veronderstel om die werk verlede maand te voltooi en sy finale verslag teen die einde van Januarie uit te reik.

Amptenare sê die kommissie wil egter nóg sittings hou. Die volgende ronde getuienis sal op 21 Januarie begin.

Tientalle mense het verlede jaar gesterf toe ‘n staking by die myn gewelddadig geraak het ná botsings tussen mededingende vakbonde en later tussen stakers en polisiebeamptes.

Die ergste geweld het op 16 Augustus plaasgevind, toe die polisie 34 mynwerkers doodgeskiet het.

Volg Nuus24 op Twitter

- Sapa-DPA