Marikana-ondersoek duur voort

2012-11-14 11:54

Johannesburg – Die Farlam-kommissie van ondersoek na die dood van 34 mynwerkers by die Lonmin-myn vroeër vanjaar, duur voort.

Die kommissie het Vrydag gehoor hoe die skietery begin het.

"Die skietery is gestaak deur lede van die polisie se taktiese reaksiespan, wat kon sien dat dit nie meer nodig was om te skiet nie," het lt. kol. Duncan Scott gesê.

Hy het beeldmateriaal van verskeie nuuskanale gebruik om sy bewyse te staaf.

Altesaam 34 mynwerkers is dood en 78 gewond toe die polisie begin skiet het om 'n groep werkers wat op 'n koppie naby die myn vergader het, op 16 Augustus uiteen te jaag.

Scott het gesê die mynwerkers het ná die skietery na twee nabygeleë koppies gegaam waar hulle brande begin het.

– Volg Nuus24 op Twitter

- SAPA