Marikana: Vakbond se eerste getuie geroep

2013-01-23 12:57

Rustenburg – Die National Union of Mineworkers (Num) het sy eerste getuie na vore geroep om by die Farlam-kommissie van ondersoek te getuig.

Karel Tip, wat die vakbond verteenwoordig, het Erick Gcilitshana – wat Num se nasionale sekretaris en ‘n Lonmin-werknemer is – ondervra.

Gcilitshana was ook die hoofonderhandelaar tydens die mynwerkers se staking by Lonmin se platinum-myn in Marikana in die Noordwes, waar 34 werkers verlede jaar doodgeskiet is.

“Ek het in 2005 [as onderhandelaar] begin. In 2007 [het ek die hoofonderhandelaar geword],” het hy aan die kommissie gesê.

Die kommissie ondersoek die geweld waarin 44 mense tydens ‘n onbeskermde staking by die myn dood is.

Altesaam 34 stakers is op 16 Augustus doodgeskiet, terwyl 78 ander gewond is toe polisiebeamptes op hulle geskiet het om die stakers uiteen te jaag.

Tien mense, insluitend twee polisiebeamptes en twee veiligheidswagte, is die vorige week doodgekap.

Volg Nuus24 op Twitter  

- SAPA