Margate-huis in vlamme gehul

2013-01-13 10:33

Johannesburg – Twee mense is vir rookinaseming behandel nadat hul huis in Margate, KwaZulu-Natal, aan die brand geslaan het, het nooddienswerkers gesê.

Netcare 911 se Chris Botha sê die mense het self die vlamme probeer blus voordat die brandweer Saterdag by die toneel opgedaag het.

“Medici het die twee mense op die toneel behandel terwyl brandbestryders die brand probeer blus het,” het die woordvoerder gesê.

Die oorsaak van die brand is nie bekend nie.

Geen verdere besonderhede is verskaf nie.

Volg Nuus24 op Twitter 

- SAPA