Manyi sê jammer
2011-02-25 18:13
Johannesburg – Jimmy Manyi, hoofregeringswoordvoerder, het "onvoorwaardelik" om verskoning gevra oor sy uitlating dat te veel bruinmense in Wes-Kaap woon.
Manyi is uit alle oorde kritiseer omdat hy die "rassistiese en heeltemal onaanvaarbare" opmerkings in 'n onderhoud met Freek Robinson op die kykNET-program, Robinson Regstreeks, gemaak het.
Hy het gesê te veel bruimense woon in die Wes-Kaap en dat hulle eerder oor die land moet versprei.
"Mnr. Manyi wil erken dat mense aanstoot geneem het oor die stelling wat hy 'n jaar gelede gemaak het. Daarvoor vra hy onvoorwaardelik om verskoning."
Volg Nuus24 op Twitter