Manuel: Dekking oor snoerwet 'onregverdig'

2012-08-01 23:10

Johannesburg – Mediadekking oor die Wetsontwerp op die Beskerming van Staatsinligting is onregverdig aangesien die media reeds ’n standpunt daaroor ingeneem het, het die minister in die presidensie, Trevor Manuel, Woensdag gesê.

“Ek glo nie daar is enige regering in die wêreld wat sonder geheime funksioneer nie. Daarom moet ons werk met wat ons het,” het hy in ’n toespraak aan studente by die Universiteit van Stellenbosch gesê.

Manuel sê die Handves van Menseregte in die grondwet beskerm die reg om toegang tot inligting te verkry, met ’n klousule wat die beperkings van dié regte aandui.

Die Wet op die Bevordering van Toegang tot Inligting (Paia) is in 2000 saam met die Wetsontwerp op Beskermde Bekendmakings, wat oor fluitjieblasers handel, geïnkorporeer.

"Die beskerming van fluitjieblasers kan nie deur dié wetsontwerp oorheers word nie," het hy gesê.

– Volg Nuus24 op Twitter.
 

- SAPA