Manto word Dinsdag begrawe
2009-12-18 13:16
Pretoria – Die begrafnis van die voormalige minister van gesondheid, Manto Tshabalala-Msimang, sal Dinsdag in Pretoria plaasvind, het ‘n woordvoerder vir die regering gesê.
Charles Nqakula sê ‘n amptelike en spesiale begrafnis sal vir Tshabalala-Msimang by die Sacred Heart Katolieke kerk in Pretoria gehou word. Volgens Tshabalala-Msimang se wense sal haar lyk dan tydens ‘n privaat seremonie veras word.
Nqakula sê pres. Jacob Zuma het haar familie gekontak en sal ‘n toespraak by haar roudiens lewer.
"Die president het ook gevra dat nasionale vlae teen halfmas gehang word,” het Nqakula aan die media gegee.
‘n Amptelike roudiens sal ook Maandag by Pretoria se stadsaal gehou word.
- Sapa