Mantashe: Mynlisensies kan teruggetrek word

2013-01-18 17:56

Johannesburg – Mynmaatskappye wat nie eerlik is oor hulle bedryfsplanne nie kan hul lisensies verloor, het Gwede Mantashe, sekretaris-generaal van die ANC, gesê.

“Gee maatskappye mooi planne aan die regering deur sodat hulle lisensies kan kry en sodra dit goedgekeur is [vergeet hulle daarvan]?” het Mantashe tydens ‘n mediakonferensie in Johannesburg gesê.

“As jy nie eerlik is oor jou planne wanneer jy dit indien nie, het alle partye ‘n reg om die lisensie terug te trek."

Anglo American Platinum (Amplats) het hierdie week bekendgemaak dat hy beplan om produksie by vier van sy skagte in Rustenburg te staak, wat kan lei tot die verlies van 14 000 werksgeleenthede. Die maatskappy het ook gesê hy oorweeg dit om ‘n "onvolhoubare" myn te sluit.

Amplats het in 2010 ‘n arbeidsplan aan die regering oorhandig, maar daardie plan was besig om “in duie te stort”, het Mantashe gesê.

Hy het Donderdag met verslaggewers gepraat ná ‘n vergadering van die ANC se nasionale uitvoerende komitee in Irene, suid van Pretoria.

– Volg Nuus24 op Twitter
 

- SAPA