Mans vas wat vuurwapens op stakers rig

2012-10-05 14:25

Bloemfontein – Twee mans van Qwaqwa is in hegtenis geneem ná hulle 'n vuurwapen op stakende tekstielwerkers gerig het, het die Vrystaatse polisie Vrydag gesê.

Sers. Mmako Mophiring het gesê die twee mans sal in die Phuthaditjhaba-landdroshof verskyn op aanklagte dat hulle 'n vuurwapen gerig het.

Die insident het Donderdag plaasgevind, het Christopher Soetsane, woordvoerder van die Suid-Afrikaanse klerewerkersvakbond (Sactwu), gesê.

Die meeste van die werkers was vroue wat deelgeneem het aan 'n wettige staking, het hy gesê.

Soetsane het gesê die insident is aan die polisie gerapporteer, en hulle het die mans kort daarna in hegtenis geneem.

Die staking deur die tekstielwerkers het Donderdag begin.

"Baie van hulle verdien so min as R200 per week, terwyl die minimum wettige loon reeds so laag is as R534 per week."

– Volg Nuus24 op Twitter.

- SAPA