Mangaung-kongres uitgestel weens haelstorm

2012-12-19 18:03

Bloemfontein – Die ANC se konferensie in Mangaung is Woensdag uitgestel nadat 'n waarskuwing van 'n haelstorm in Bloemfontein uitgereik is.

Afgevaardigdes is van die twee markiestente na vaste strukture verskuif.

Dit is nog nie duidelik of dit die stemmery vir die ANC se nuwe Nasionale Uitvoerende Komitee of die bekendmaking van die uitslae gaan affekteer nie.

Daar is vroeër berig dat die uitslae Woensdagaand bekendgemaak sou word.

Bykans 300 partylede is vir die komitee benoem, maar slegs 80 kan verkies word waarvan die helfte vroue moet wees. 

– RSG.

– Volg Nuus24 op Twitter.

- SAPA