Mangaung: ANC geskok oor hofsaak

2012-12-12 10:28

Johannesburg – Die ANC het sy skok uitgespreek nadat 'n groep van sy lede die Mafikeng-hooggeregshof genader het om die Noordwes se benoemingskonferensie nietig te laat verklaar.

Pres. Jacob Zuma is tydens die konferensie vir 'n tweede termyn as partyleier benoem.

Verskeie lede van die provinsiale party voer aan dat die kongres gemanipuleer is. Dié lede is glo ondersteuners van adj.pres. Kgalema Motlanthe.

Die Noordwes-konferensie is in 'n chaos gedompel met Kabelo Mataboge, provinsiale sekretaris, wat beweer het dat hy in 'n kamer toegesluit is en verhoed is om te stem.

Die hofsaak sal Vrydag aangehoor word, terwyl die verkiesingskongres Sondag by die Universiteit van die Vrystaat se Bloemfontein-kampus afskop.

Daar word tussen 50 000 en 200 000 besoekers in die stad verwag.

– Sapa, Jacaranda 94.2

Volg Nuus24 op Twitter