Mandela se longkwaal algemeen – dokter

2012-12-11 17:50

Johannesburg – Longinfeksies is algemeen onder bejaarde mense, het 'n mediese kenner Dinsdag gesê.

Dít volg nadat die presidensie aangekondig het dat die 94-jarige oudpres. Nelson Mandela vir 'n herhaalde longinfeksie behandel word.

"Soos mens ouer word, is longinfeksie een van die mees algemene probleme onder bejaarde mense," het Mark Sonderup, 'n mediese dokter en waarnemende voorsitter van die Suid-Afrikaanse Mediese Vereniging, gesê.

"Dit sal nie ongewoon wees nie," het hy gesê en bygevoeg dat dit altyd as ernstig behandel word.

In buitengewone gevalle kan longinfeksies dodelik wees en die kanse vir komplikasies neem toe wanneer die pasiënt bejaard is, chroniese longkwale het of siektes het wat die immuunstelsel kan verswak.

Sonderup is nie betrokke by Mandela se behandeling nie.

Mandela is Saterdag in die 1 Militêre Hospitaal opgeneem vir wat Maharaj beskryf het as toetse wat normaal is vir iemand van sy ouderdom.

Dis die tweede keer vanjaar wat Mandela in 'n hospitaal opgeneem is.
      
– Volg Nuus24 op Twitter

- SAPA