Mandela klag laat vaar
2009-12-12 04:59
Johannesburg – Die crimen injuria klag teen Benjamin Burger, hoof uitvoerende beampte van Falcon Sekuriteit, is laat vaar.
Die 46-jarige Burger is daarvan aangekla dat hy oudpres. Nelson Mandela in ‘n verwerkte cd tydens ‘n potjiekos-kompetisie by Sun City beledig het.
Madito wa ga Molebalwa, woordvoerder van Cosatu het in ‘n verklaring gesê dat die aanklagtes teen Burger is laat vaar, en dat die unie ongelukkig voel oor die besluit.
Die hof se staatsaanklaer en klerk was egter nie onmiddellik beskikbaar om dit te bevestig nie.
Die unie het gevra dat die saak weer oopgemaak en verder ondersoek moet word.
Ongeveer 1 000 Cosatu-lede het einde Oktober ‘n optog gehou na die hoofingange van Sun City. Hulle wou hê dat Sun City sy kontrak met die sekuriteitsmaatskappy moes beeïndig.
Falcon Security het in ‘n verklaring gesê hulle het reeds die persoon geïdentifiseer wat verantwoordelik was vir die speel van die cd, en dat die persoon reeds geskors is.
- Sapa