Man wat negejarige verkrag sit lewenslank
2012-01-20 20:43
Johannesburg – ‘n Negentienjarige man is tot lewenslange tronkstraf gevonnis nadat hy ‘n negejarige meisie in Nongoma, KwaZulu-Natal, verkrag het, het die polisie Vrydag gesê.
Slamuleleni Zunge is Donderdag in die Nongoma-streekhof skuldig bevind nadat hy die meisie in Julie 2010 verkrag het, het kapt. Thulani Zwane gesê.
Die misdaad is aangemeld nadat die kind se versorger opgemerk het dat sy vreemd optree.
Sy het die kind se ma daarvan ingelig. Die ma het haar na ‘n kliniek geneem waar dit bevestig is dat sy verkrag is.
Zwane sê Zunge is in Augustus 2010 in Nongoma in hegtenis geneem.
– Volg Nuus24 op Twitter
- SAPA