Man wat moord op raadslid beplan kry 10 jaar

2012-11-02 17:25

Durban – ‘n Man van Durban het die moord op ‘n raadslid van die eThekwini-munisipaliteit help beplan omdat hy man blameer het vir die sloping van sy onwettige plakkershut, het Durba se streekhof Vrydag gehoor.

Bongani David Ndlovu, wat hom op 27 Oktober aan die polisie oorgehandig het, het 10 jaar tronkstraf gekry vir sy aandeel in die moord.

Regter Anand Maharaj sê hy het met sy vonnis in ag geneem dat Ndlovu bereid was om die polisie te help ná hy hom oorgegee het.

Ndlovu het in die hof gesê dat hy kwaad was vir die ANC-raadslid Mthembeni Shezi ná sy plakkershut gesloop is.

Die 31-jarige, wat skuldig gepleit het op aanklagte van sameswering om moord te pleeg, sê hy het aan die begin van Augustus al met verskeie ander mense vergader wat ook vir Shezi kwaad was.

Hy sê hoewel hy saam met die ander aan die moord beplan het, het hy nie gedink dat hulle die plan tot uitvoering sou bring nie.

Shezi is op 26 September by ‘n vergadering by ‘n plaaslike hoërskool geskiet. Hy is die volgende dag dood. Die polisie het intussen twee ander verdagtes ook in hegtenis geneem.

– Volg Nuus24 op Twitter
 

- SAPA