Man aangerand ná hy kind glo mishandel

2012-09-24 13:11

Johannesburg – 'n Man wat van kindermishandeling verdink word, is in 'n hospitaal opgeneem nadat hy deur woedende inwoners in Kwa Nobuhle, Uitenhage, aangerand is, het die Oos-Kaapse polisie Maandag gesê.

Die pa van 'n vyfjarige seun het Saterdag agtergekom dat hy vermis is, het lt. kol. Priscilla Naidu gesê.

Die pa en plaaslike inwoners het na die kind begin soek en hom later gevind terwyl hy saam met die man gestap het.

Die gemeenskap was eers baie dankbaar teenoor die man, maar toe hy weg is het die kind die man daarvan beskuldig dat hy hom seksueel aangerand het.

Die seun se pa het die man agterna gesit waarna woedende inwoners hom aangeval het.

Die seun en die man is in 'n hospitaal opgeneem.

Die man sal binnekort in die hof verskyn, het Naidu gesê.

– Volg Nuus24 op Twitter.

- SAPA