Man wat drankie mors op Zuma 'soos moordenaar' behandel
2011-07-30 11:04
Johannesburg – 'n Gautengse man wat skuldig bevind is op 'n aanklag van aanranding ná hy 'n drankie op pres. Jacob Zuma gemors het, sê hy word soos 'n moordenaar behandel, het die Saturday Star berig.
"...Dit was 'n ongeluk. Ek verstaan die erns van die situasie – as dit waar was – maar ek voel ek word behandel soos 'n moordenaar," het Darryl Peense aan die koerant gesê.
Die insident het by verlede jaar se Durban July plaasgevind.
"Dit was 'n jaar van drama. Ek voel aaklig... Ek is nie myself nie; ek is al 'n lang tyd nie," het Peense gesê.
Peense is Woensdag skuldig bevind op 'n aanklag van aanranding, en die saak is tot 7 September uitgestel vir vonnisoplegging.
"Ons sal doen wat ons ookal kan op die dag [van die vonnisoplegging]... Ek is nie seker of ons appèl sal aanteken as hulle my 'n swaar vonnis oplê nie.
"Ek het reeds R100 000 aan regskoste betaal. Ek sal fondse moet insamel vir 'n appèl," het hy gesê.
– Volg Nuus24 op Twitter.
- SAPA