Man wat 5 jaar gesoek word vas
2010-07-30 02:28
Johannesburg – ‘n Man wat al vir vyf jaar van die polisie vlug is in Frankfort in hegtenis geneem, het polisie-amptenare Donderdag gesê.
Mafa Msimanga, 23, is Woensdag in hegtenis geneem nadat polisie verdag geraak het oor sy aktiwiteite en sy naam op ‘n lys van gesoekte kriminele gevind het, het woordvoerder Philani Mvuna gesê.
Msimanga is in 2005 deur die polisie gesoek nadat hy verbind is met ‘n saak waarin die onwettige besit van ‘n vuurwapen betrokke was.
Ten tyde van sy inhegtenisname is hy met dagga in sy besit gevind.
Msimanga sal Vrydag in die Frankfort landdroshof verskyn op aanklag van die besit van dagga.
Hy sal daarna in ‘n hof in Pretoria verskyn op ‘n aanklag dat hy ‘n hofbevel ongehoorsaam het.
Volg Nuus24 op Twitter
- SAPA