'Man was verskrik tydens aanval' – Bonnette

2012-11-26 10:22

Johannesburg – Die verhoor van ‘n man wat daarvan aangekla word dat hy sy eksvrou se verkragting georkestreer het, duur binnekort voort.

Die prokureur van Johan Kotzé se medebeskuldigdes het verlede week in die hof aangevoer sy kliënte kon nie Ina Bonnette verkrag nie, aangesien hulle nie ereksies kon kry nie.

Pieta Mohlane, Frans Mphaka en Andries Sithole word daarvan aangekla dat hulle haar om die beurt verkrag het.

Die beskuldigdes word ook van die moord op haar seun, Conrad, verdink.

Hulle staan ook tereg op aanklagte van ontvoering, verkragting, aanranding en poging tot moord.

Bonnette het verlede week getuig haar eksman het haar met verskeie voorwerpe gemartel en albei haar tepels afgesny terwyl sy vermeende medepligtiges toegekyk het.

Sy beweer die mans het beurte geneem om haar te verkrag.

Bonnette sê nie een van die drie het haar fisiek aangerand nie. Sy het bygevoeg dat een van hulle deur die hele voorval verskrik gelyk het.

Mohlane, Mphaka en Sithole sê Kotzé het gedreig om hulle dood te maak indien hulle nie hul samewerking gegee het nie.

Volg Nuus24 op Twitter  

- SAPA