Man verwurg meisie, bel haar pa om te vertel
2010-03-14 12:23
Johannesburg – ‘n Man het glo sy meisie (19) verwurg en toe haar pa gebel om te erken tot haar moord, het polisie in Mpumalanga Sondag gesê.
Ntobeko Kabini van Kwaggafontein het glo by ‘n woordewisseling met haar kêrel (21) betrokke geraak waarna hy haar verwurg het.
“Die paartjie het Saterdagoggend by ‘n vriend se huis wakker geword en toe begin argumenteer. Die man het glo sy vriend gevra om hulle vir ‘n rukkie alleen te laat sodat hulle die probleem kan oplos. Toe sy vriend weg is, het hy haar glo vermoor en toe van die toneel gevlug,” het insp. Sphiwe Lukhele gesê.
Die man het glo toe die meisie se pa gebel om te erken dat hy haar vermoor het.
Lees hier meer.