Man vermoor ouers weens heksery
2010-10-27 21:05
Johannesburg – Die polisie in die Oos-Kaap is op soek na ‘n 20-jarige man wat glo beide sy ouers vermoor en twee ander mense beseer het weens aantygings van heksery.
“Die man het glo sy ouers, onderskeidelik 75 en 80 jaar, met ‘n spies doodgesteek,” het kapt. Mluleki Mbi, polisiewooordvoerder, gesê.
Volgens Mbi het die man ook sy 38-jarige suster en hul 60-jarige buurvrou aangeval. Beide vroue is na die hospitaal geneem vir mediese behandeling.
“Die verdagte het sy gesin glo van heksery beskuldig,” het Mbi gesê.
Die voorval word deur die polisie ondersoek.
Volg Nuus24 op Twitter.
- SAPA