Man vermoor ná hy spaza-winkel roof
2010-11-02 03:17
Durban – Ses mense is in Mabheleni, Wartburg, in hegtenis geneem nadat hulle glo ‘n man vermoor het wat die eienaar van ‘n spaza-winkel wou aangeval, het die polisie in KwaZulu-Natal Maandag gesê.
“Die eienaar van die spaza-winkel en vyf ander mans is gearresteer. Hulle sal binnekort in die hof verskyn,” het a.o Joey Jeevan gesê.
Polisiebeamptes het die liggaam van die 30-jarige Thabiso Miya Saterdag buite die huis van die spaza-winkel gevind.
Hy het verskeie kopwonde opgedoen. ‘n Mes en knopkierie is langs hom gevind.
Die eienaar van die spaza-winkel is Saterdag deur Miya en ‘n ander man gekonfronteer.
“Daar word beweer dat Miya die eienaar wou verwurg terwyl sy makker kontant uit die geldlaai geneem en te voet gevlug het.”
Die eienaar het dit reggekry om uit Miya se greep te ontsnap en het hulp gaan soek.
“’n 15-Jarige buurman wie by die eienaar se huis gekuier het, het sy hulpkrete gehoor en dadelik die ander buurmense in kennis gestel.”
‘n Groep van ongeveer 20 mense het na die winkel gegaan en die eienaar van die spaza-winkel gehelp om Miya aan te rand.
“Miya het probeer om te ontsnap maar het sowat 200m buite die winkel inmekaargesak,” het Jeevan gesê.
‘n Saak van huisroof word ook ondersoek.
- Volg Nuus24 op Twitter.
- SAPA