Man verdrink naby Richardsbaai
2012-12-09 08:57
Richardsbaai – 'n Man het Saterdag naby Richardsbaai in KwaZulu-Natal verdrink, het die Nasionale Seereddingsinstituut (NSRI) gesê.
"Die NSRI-vrywilligerspan in Richardsbaai is om 18:20 geaktiveer ná 'n berig dat iemand in die Bay Hall-gebied, 'n gebied in die Richardsbaai-hawe waar die gemeenskap swem, verdrink," het Craig Lambinon, die organisasie se woordvoerder, gesê.
Die NSRI, die polisie en 'n plaaslike ambulansdiens het reageer en met hulle aankoms het hulle 'n vrou, 20, langs die water aangetref.
Die vrou is na bewering deur 'n omstander gered.
'n Man, wat ongeveer 40 jaar oud is, was in daardie stadium steeds vermis.
"Dit wil voorkom of die twee na Pelican-eiland geswem het toe hulle in die moeilikheid geraak het in die water. Dis nie bekend wat die probleem veroorsaak het nie," het Lambinon gesê.
"Paramedici het die vrou op die toneel bygebring en sy is in 'n ambulans na 'n hospitaal geneem in 'n kritieke toestand."
'n Soektog na die man het niks opgelewer nie, en die polisie se duikeenheid is uitgeroep. Hulle het die man gevind. 'n Geregtelike doodsondersoek is geopen.
– Volg Nuus24 op Twitter.
- SAPA
