Man veg om lewe ná ongeluk
2011-07-08 10:07
Kaapstad – ‘n Man in sy 50’s veg om sy lewe in ‘n Durbanse hospitaal ná ‘n trompop-botsing op die M7 in Queensburgh, het paramedici gesê.
Volgens Chris Botha, woordvoerder vir Netcare 911, is dit onduidelik wat Donderdagaand se ongeluk veroorsaak het.
Paramedici vermoed dat een van die twee voertuie trompop teen die aankomende verkeer vasgejaag het.
Die bestuurder van ‘n Toyota Camry was steeds in die motor vasgekeer toe Netcare 911-paramedici en die SAPD se soek- en reddingspanne op die ongelukstoneel opgedaag het.
Botha sê die reddingspersoneel het meganiese kake gebruik om die man, wat kritieke beserings opgedoen het, te bevry.
Hy is op die toneel gestabiliseer en na die Nkosi Albert Luthuli-hospitaal geneem vir verdere behandeling.
Daar is geen aanduiding wat met die ander motoris gebeur het nie.
Volg Nuus24 op Twitter.
- Nuus24