Man vas wat treinongeluk veroorsaak
2011-12-23 23:00
Johannesburg – Die motoris wat na bewering aanspreeklik was vir die ontsporing van die trein by Isipingo waarin 21 mense beseer is, is in hegtenis geneem, het RSG Vrydag berig.
Die polisie in KwaZulu-Natal sê die 22-jarige man sal aangekla word van poging tot moord.
Die metropolisie in Durban het probeer om 'n voortsnellende motor in Umlazi te stop toe die bestuurder volgens berigte beheer oor die motor verloor het.
Die motor het van die brug af geval en op die spoorlyn beland. Die aankomende trein kon nie betyds stop nie en het teen die motor gebots by die Reunionstasie.
Die bestuurder het uitgespring en weggehardloop voor die trein die motor getref het.
Volg Nuus24 op Twitter.
– RSG