Man vas vir negejarige se moord
2010-08-30 19:01
Johannesburg – ‘n 32-jarige man is in hegtenis geneem in verband met die moord op ‘n negejarige meisie in Phomola Park naby Leondale, het polisie van die Oosrand Maandag gesê.
Volgens kapt. Manaka Rapholo is die man Vrydag in hegtenis geneem nadat Precious Khumalo se lyk in ‘n vlak graf gevind is.
Khumalo het Donderdag vermis geraak.
Volgens Rapholo was die kind naak, haar hande vasgemaak, met ‘n byl gekap en gebrand. Haar lyk is in ‘n kruiwa na ‘n oop veld gestoot waar sy in ‘n vlak graf gegooi is.
‘n Kruiwa, byl en graaf wat gebruik is, is by die man se huis gevind.
“Die man is stil, ons weet nie hoekom hy die kind doodgemaak het nie, dit was vreeslik,” het hy gesê.
Rapholo het bygevog dat sy moontlik verkrag kon gewees het voordat sy vermoor is, maar verdere ondersoeke sal geloods word om dit vas te stel.
Van die meisie se klere en haar-bykomstighede is ook by die man se huis gevind.
“Polisie het hom weggeneem van woedende gemeeskapslede wat self met hom wou afreken,” het hy gesê.
Volg Nuus24 op Twitter
- SAPA