Man vas oor dwelmpakkie by Kaapse poskantoor
2012-12-22 15:02
Epping – 'n 40-jarige man is in hegtenis geneem nadat hy 'n pakkie heroïen by 'n poskantoor in Epping, Kaapstad afgehaal het, het die Wes-Kaapse polisie Saterdag gesê.
"Die dwelms met 'n geskatte straatwaarde van R150 000 is in Indiese geskenkpapier toegedraai en die pakkie het ook Indiese versierings bevat," het lt.-kol. André Taute in 'n verklaring gesê.
Taute het gesê die man is Vrydagmiddag in hegtenis geneem nadat hy die pakkie – wat in die buiteland gepos is – by die Cape Mail-poskantoor afgehaal het.
"Poskantore word gereeld deursoek omdat die posstelsel dikwels gebruik word om dwelms te smokkel," het Taute gesê.
Die verdagte sal binnekort in die landdroshof in Goodwood verskyn.
Volg
Nuus24 op Twitter.
- SAPA
