Man vas oor dagga, diamante
2011-03-04 14:05
Oos-Kaap – 'n 32-jarige man is in Nahoon in Oos-Londen in hegtenis geneem nadat dagga, ongeslypte diamante en goud in sy besit gevind is, het die polisie in die Oos-Kaap gesê.
Kapt. Mluleki Mbi het gesê die man is omstreeks 01:30 in Beachweg vasgetrek met dagga.
"Terwyl die polisie besig was met die man, het 'n vrou uit die huis gekom en toe weer in die huis gehardloop toe sy die polisie sien," het hy gesê.
"Nadat daar vasgestel is dat die twee mekaar ken, het die polisie agterdogtig geraak en die vrou agtervolg. Ongeslypte diamante en goudkorrels wat meer as R1 miljoen beloop, is in die huis gevind."
Mbi het gesê die vrou is nie in hegtenis geneem nie, maar sal ondervra word.
Die polisie het ook beslag gelê op 'n faksmasjien, 'n drukker, skandeerdeer, twee rekenaars en vier lugdrukpompe.
"Dit is dalk gesteelde items en is sowat R80 000 werd."
Die man sal na verwagting op 7 Maart in die Oos-Londen-landdroshof verskyn.
Volg Nuus24 op Twitter
- SAPA