Man vas oor brandstigting by vrou se huis
2012-02-06 10:00
Johannesburg – ‘n Vyf-en-vyftigjarige man is Sondag in Mooihoek, Mecklenburg, in hegtenis geneem in verband met brandstigting, het die polisie in Limpopo gesê.
‘n Vrou (70) se huis is Sondagoggend aan die brand gesteek terwyl sy by die kerk was, het lt. kol. Mohale Ramatseba gesê.
Die vrou word daarvan beskuldig dat sy ‘n 26-jarige man se dood deur heksery veroorsaak het.
Die man wat van brandstigting aangekla is sal na verwagting binnekort in die Mecklenburg-landdroshof verskyn.
Ramatseba sê nog mense sal na verwagting in hegtenis geneem word.
– Volg Nuus24 op Twitter
- SAPA