Man vas ná hy vrou, dogters vermoor
2011-12-17 13:12
Johannesburg – 'n Man is in hegtenis geneem in verband met die moord op 'n vrou en haar twee dogters by Kameelsfontein in Pretoria.
RSG berig dat die besonderhede rondom die moorde is in dié stadium nog vaag.
Polisiebeamptes het die vrou se liggaam Vrydagnag by die Moloto-afrit gekry.
Die liggame van haar twee dogters, wat albei jonger as tien jaar is, is daar naby in 'n motor gekry.
Volgens Pinky Tsinyane, 'n polisiewoordvoerder, het 'n verbygaande motoris met die polisie in aanraking gekom.
Die 37-jarige verdagte sal binnekort in die Pretoria-Noord landdroshof op drie aanklagte van moord verskyn.
Die polisie sê hulle vermoed dat die man aan die slagoffers verwant is.
– Volg Nuus24 op Twitter.