Man vas ná hy polisieman probeer omkoop
2010-07-31 04:17
Johannesburg – ‘n Man is in hegtenis geneem nadat hy ‘n polisieman by die Jabulani-polisiestasie probeer omkoop het, het die Gautengse polisie Vrydag gesê.
Die man het drie van sy vriende probeer vrylaat wat Vrydag in hegtenis geneem is.
Hy het ‘n adjudant offisier genader en glo R1000 aangebied om sy vriende vry te laat, het ao. Kay Makhubele gesê.
Die polisieman het geweier en die man is vir omkopery in hegtenis geneem.
Sy vriende is in hegtenis geneem nadat hulle rekenaars gesteel het en onwettige CD’s in Soweto verkoop het.
Hulle sal Maandag in die Protea magistraatshof verskyn op aanklagte van diefstal, besit van gesteelde goedere en bedrog.
Hul medepligtige sal ook Maandag in die hof verskyn op aanklag van omkopery.
Volg Nuus24 op Twitter.
- SAPA