Man vas met R12 milj. se diamante
2011-01-20 19:00
Oos-Kaap – Die Valke het 'n man in Port Elizabeth in hegtenis geneem nadat twee diamante ter waarde van R12 miljoen in sy besit gevind is.
"Die 51-jarige man gaan aangekla word vir diefstal nadat 'n diamant in September verlede jaar in 'n hotel in Port Elizabeth gesteel is," het kapt. Ernest Sigobe, Oos-Kaapse polisiewoordvoerder, gesê.
"Hy sal ook aangekla word van geldwassery en word in die aanhoudingselle in Port Elizabeth aangehou."
Hy sal na verwagting op 24 Januarie in die landdroshof in Port Elizabeth verskyn.
Volg Nuus24 op Twitter
- SAPA