Man van Kimberley sterf in brand

2012-08-04 13:23

Johannesburg –  'n Man is dood nadat sy plakkershut in 'n informele nedersetting naby Kimberley in die Noord-Kaap afgebrand het, het paramedici gesê. 

Netcare911-woordvoerder Jeff Wicks het gesê die voorval het Saterdag in die vroeë oggendure plaasgevind en dat die oorsaak van die brand nog nie bekend is nie.

"Dit wil voorkom asof 'n verwarmer die brand kon veroorsaak het," het hy bygevoeg.

Wicks het gesê toe nooddienspersoneel op die toneel aangekom het was die vuur reeds geblus.

Paramedici het op die verbrande oorskot van die man se liggaam afgekom.

Niemand anders is in die voorval beseer nie.

'n Polisie-ondersoek is tans aan die gang.

Volg Nuus24 op Twitter.

- SAPA