Man val 2 verdiepings van hotel se balkon
2010-02-25 11:26
Durban - 'n Man is in 'n kritieke toestand in die hospitaal ná hy van 'n hotel se balkon geval en twee verdiepings ver getuimel het.
Derrick Banks, 'n woordvoerder van ER24, het gesê die man het met die paramedici se aankoms op die toneel in 'n plas bloed gelê.
"Hy het van die balkon van die Old Watson-hotel op die hoek van Wes- en Kerkstraat in die Pietermaritzburgse middestad geval."
Banks het gesê dit is nie duidelik wat presies gebeur het nie, maar paramedici vermoed die man was op die tweede vloer naby 'n balkon toe hy geval het.
Die man is na die Northdale-hospitaal geneem vir behandeling.
– Sapa