Man tydens rusie vermoor
2009-08-07 08:41
Johannesburg – ‘n 24-jarige man is in hegtenis geneem nadat hy sy meisie se broer in Soshanguve doodgesteek het.
Die 22-jarige man het glo by die paartjie se stryery betrokke geraak en saam met sy suster gestem.
“Die kerel het ‘n mes uitgehaal en die 22-jarige man ‘n paar keer gesteek,” het insp. Sello Mangena, ‘n Pretoriase polisiewoordvoerder, gesê.
“Die voorval het omstreeks 09:00 Donderdagoggend plaasgevind. Die man se lyk is 18:00 deur die man se ouers ontdek,” het hy gesê.
Ná die voorval het die paartjie gevlug en die man se lyk in ‘n plas bloed agtergelaat.
Die verdagte is later in hegtenis geneem en die mes wat hy glo gebruik het om sy meisie se broer te steek, is by hom gevind.
Hy sal volgende Dinsdag op aanklag van moord in die Soshanguve-landdroshof verskyn.
– Sapa