Man tydens kaping in kop geskiet

2012-11-08 11:10

Johannesburg – ‘n Man is in ‘n mislukte kaping in Uitenhage in die kop geskiet, het die polisie in die Oos-Kaap gesê.

Ao. Gerda Swart sê die 42-jarige man is in ‘n stabiele toestand in ‘n hospitaal nadat kapers Woensdagmiddag op hom toegesak het.

Die slagoffer was besig om vier mans ‘n rygeleentheid vanaf KwaNobuhle te gee, toe hulle hom vra om hulle na die treinstasie te neem.

“Hulle het by die treinstasie aangekom... en een van die mans het die bestuurder in kennis gestel dat hulle sy voertuig – ‘n VW Golf – gaan vat.”

Een van die mans het die slagoffer geskiet toe hy sy motorsleutels by die venster uitgegooi het. Daarna het die kapers weggehardloop.

Die polisie het later ‘n vuurwapen naby die toneel gevind.

Niemand is tot dusver in hegtenis geneem nie.

Volg Nuus24 op Twitter

- SAPA