Man tronk toe wat pensioenaris verkrag

2012-04-18 19:02

Johannesburg – ‘n Man van Limpopo is Woensdag 15 jaar tronkstraf opgelê nadat hy ‘n pensioenaris by Thune in die Ga-Mamabolo-gebied verkrag het, het die polisie gesê.

Volgens konst. Moses Molepo het Mondi Maloka (25) in die Mankweng-landdroshof verskyn op aanklagte van verkragting en huisbraak.

Hy is daaraan skuldig bevind dat hy die 60-jarige vrou in Mei verkrag het, nadat hy deur ‘n venster by die huis ingebreek het.

“Maloka is positief met die verkragting verbind deur DNS-toeste,” het Molepo gesê.

Hy staar nog twee aanklagte van verkragting in die gesig.

“Terwyl hy vry op borgtog was vir die eerste aanklag, het hy na bewering ‘n 65-jarige vrou in haar huis verkrag. Op 11 Maart het hy by die huis van ‘n 93-jarige vrou ingebreek en haar ook verkrag.”

Maloka sal na verwagting op 1 Junie weer in die hof verskyn.

- Volg Nuus24 op Twitter
 

- SAPA